Rafræn skilríki fyrir ólögráða
Ólögráða, einstaklingar undir 18 ára aldri, geta fengið rafræn skilríki ef forsjáraðili undirritar umsókn.
Tvær leiðir til undirritunar eru í boði:
A) Forsjáraðili undirritar rafrænt áður en ólögráða einstaklingur mætir á skráningarstöð.
B) Forsjáraðili og ólögráða einstaklingur mæta saman á skráningarstöð og undirrita umsókn.
Athugið! Báðir aðilar þurfa að framvísa leyfðum persónuskilríkjum á skráningarstöð.
Svona er ferlið þegar leið A er valin:
Forsjáraðili fer inn á Mínar síður Auðkennis (mitt.audkenni.is), skráir sig inn með rafrænum skilríkjum.
Smellir á hnappinn Sækja um skilríki fyrir ólögráða.
Skráir kennitölu ólögráða einstaklings inn og smellir á hnappinn Skrá upplýsingar.
Umsóknin er nú útbúin og forsjáraðili les yfir skjalið.
Smellir á hnappinn Undirrita rafrænt. Hægt er að hala skjalinu niður með því að smella á táknið á valstikunni fyrir ofan skjalið.
Nú þarf forsjáraðili að auðkenna sig með rafrænum skilríkjum til að ganga úr skugga um að sama kennitala sé skráð á umsóknina. Athugið að skjalið er nú falið og læst þar til kemur að undirritun.
Ef auðkenning er samþykkt er skjalið birt á ný og umsækjanda boðið að undirrita.
Þegar undirritun er lokið birtast skilaboð um að nú hafi ólögráða einstaklingurinn 30 daga til að mæta á næstu skráningarstöð til að fá rafræn skilríki.
