Rafræn skil­ríki fyrir ólögráða

Ólögráða, einstaklingar undir 18 ára aldri, geta fengið rafræn skilríki ef einn forsjáraðili undirritar umsókn.

Þjár leiðir til undirritunar eru í boði:

A) Sjálfskráning í Auðkennisappi er aðgengileg fyrir 13-17 ára með samþykki og undirritun forsjáraðila.

B) Forsjáraðili undirritar rafrænt áður en ólögráða einstaklingur mætir á skráningarstöð.

C) Forsjáraðili og ólögráða einstaklingur mæta saman á skráningarstöð og undirrita umsókn.

Athugið! Báðir aðilar þurfa að framvísa leyfðum persónuskilríkjum á skráningarstöð.

Svona er ferlið þegar leið A er valin:

1. Ólögráða einstaklingur á aldrinum 13-18 ára sækir Auðkennisappið og velur skráningu með lífkennum

2. Smellir á hnappinn Ég er ólögráða.

3. Fer í gegnum ferli sjálfskráningu með lífkennum og vegabréfi, og velur PIN-númer.

4. Sendir hlekk á forrsjáraðila um undirritun.

5. Þá hefur forsjáraðili 60 mínútur til að undirrita umsóknina rafrænt

6. Þegar undirritun er lokið getur ólögráða einstaklingurinn klárað útgáfu skilríkja í sínu snjalltæki

Svona er ferlið þegar leið B er valin:

1. Forsjáraðili fer inn á Mínar síður Auðkennis og skráir sig inn með rafrænum skilríkjum.

2. Smellir á hnappinn Sækja um skilríki fyrir ólögráða.

3. Skráir kennitölu ólögráða einstaklings inn og smellir á hnappinn Skrá upplýsingar.

4. Umsóknin er nú útbúin og forsjáraðili les yfir skjalið.

5. Smellir á hnappinn Undirrita rafrænt. Hægt er að hala skjalinu niður með því að smella á táknið á valstikunni fyrir ofan skjalið.

6. Nú þarf forsjáraðili að auðkenna sig með rafrænum skilríkjum til að ganga úr skugga um að sama kennitala sé skráð á umsóknina. Athugið að skjalið er nú falið og læst þar til kemur að undirritun.

7. Ef auðkenning er samþykkt er skjalið birt á ný og umsækjanda boðið að undirrita.

8. Þegar undirritun er lokið birtast skilaboð um að nú hafi ólögráða einstaklingurinn 30 daga til að mæta á næstu skráningarstöð til að fá rafræn skilríki.

Svona er ferlið þegar leið C er valin:

1. Forsjáraðili og ólögráða velja þá skráningarstöð sem hentar þeim að mæta á.

2. Báðir aðilar framvísa leyfðum persónuskilríkjum.

3. Forsjáraðili undirritar samning.

4. Skráningarfulltrúi gefur út rafræn skilríki fyrir ólögráða.