Eftir að þú hefur sótt Auðkennisappið þarftu að stofna aðgang. Þú getur haft appið á eins mörgum tækjum og þú vilt en stofna þarf aðgang fyrir hvert tæki.

Eftirfarandi leiðir til að stofna aðgang eru í boði:

1. Skráning á skráningastöð

1. Opnaðu appið, veldu "Skráning" og auðkennisleiðina "Rafræn skilríki í síma"
2. Upp kemur síðan Skráning með rafrænum skilríkjum, þar sem ýtt er á "Áfram"
3. Næst kemur Staðfesting vegna auðkennisapps þar sem rætt er um upplýsingar og notkun persónuupplýsinga. Skrollaðu niður og ýttu á "Staðfesta"
4. Sláðu inn netfang og ýttu á "Í lagi". Sláðu inn símanúmerið sem tengt er við rafrænu skilríkin á SIM og ýttu á "Áfram
5. Appið biður þig um að staðfesta auðkenningu með rafrænu skilríkjunum á SIM. Þú auðkennir þig með PIN númeri og heldur áfram
6. Því næst þarf að velja PIN númer. Hægt er að velja sér sín eigin PIN númer eða láta appið velja PIN af handahófi sem þarf að leggja á minnið. Þegar búið er að velja 4-12 tölustafa PIN1 (auðkenningar PIN) er ýtt á "Í lagi". Þar eftir þarf að velja 5-12 tölustafa PIN2 (undirritunar PIN) og ýtt á "Í lagi"
7. Appið býr til lykla par sem getur tekið u.þ.b. 15 sekúndur og biður þig í kjölfarið að staðfesta persónuupplýsingar
8. Næst þarf að undirrita umsókn um rafræn skilríki í Auðkennisappi. Fara þarf yfir upplýsingarnar sem fram koma og staðfesta með undirritun að þær séu réttar. Smellt er á "Undirrita með rafrænum skilríkjum í síma", undirritunarferlið er þá sent á rafrænu skilríkin á SIM sem eru síðan undirrituð
9. Þegar búið er að undirrita þarf að staðfesta PIN1 og PIN2 sem voru valin fyrr í ferlinu. Í kjölfarið eru rafrænu skilríkin gefin út
10. Í lokin þarf að staðfesta upplýsingarnar sem áður hafa verið gefin upp. Það eru upplýsingar um auðkenningarskilríkin og upplýsingar um undirritunarskilríkin
    
    Athugið að hægt er að hætta við eða fara til baka hvenær sem er í ferlinu allt fram að seinustu staðfestingu.

Hver aðgangur að Auðkennisappinu er háður snjalltæki. Þú getur ekki haft sama aðganginn á mörgum snjalltækjum.

Þú getur hins vegar haft appið á eins mörgum snjalltækjum og þér sýnist, þú þarft bara að stofna nýjan aðgang á hverju og einu.

Eins ef þú eyðir appinu af snjalltæknu, þá þarftu að stofna nýjan aðgang.

PIN 1 er fyrir auðkenningar.
T.d. innskráningu í netbanka eða aðrar læstar vefsíður.

PIN 2 er fyrir rafrænar undirritanir.
T.d. fyrir millifærslur á nýjan aðila í netbanka eða til að undirrita rafræn skjöl.

Gildistími skilríkja í appi eru 5 ár. Eftir þann tíma þarf að endurnýja þau.

Rafræn skilríki og rafrænar undirskriftir fylgja öryggisstöðlum og reglum og því þarf að vera viss um að rétt manneskja sé tengd við réttar persónuupplýsingar. Þegar þú notar rafræn skilríki (við að skrá þig inn, samþykkja, undirrita, o.s.frv.) þurfum við að vera viss um að manneksjan sem er að nota tækið og slær inn PIN númerið sé sú sama og hún segist vera.

Ef þú ákveður að þú viljir ekki endurnýja skilríkin þín munu þau renna út af sjálfu sér og verða óvirk. Til að nýta þau aftur þarf að skrá ný.

Já, það eru engin takmörk á hversu mörg tæki þú getur verið með. Þú þarft að setja upp Auðkennisappið og skrá aðgang á hverju tæki fyrir sig.