Auðkenni ehf. - Spurt & svarað

Hvernig virkar þetta?

Auðkennisappið er auðveld, þægileg og örugg leið til að auðkenna sig á vefnum og framkvæma fullgildar rafrænar undirritanir.
Appið, sem er gjaldfrjálst, er hægt að nota hvar sem er í heiminum óháð símafélögum bæði á íslenskum og erlendum farsímanúmerum.

Þú sækir Auðkennisappið í App Store eða Google Play og stofnar aðgang. Hægt er að stofna aðgang ef þú ert nú þegar með rafræn skilríki á farsímanum (SIM) eða að fara á skráningarstöð þar sem þú þarft að votta þig með ökuskírteini, vegabréfi eða íslensku nafnskírteini.

Eftir að aðgangur hefur verið stofnaður getur þú notað Auðkennisappið hjá þeim þjónustuveitendum sem styðja það.

Já, appið þarf að tengjast netinu til að virka.

Appið notar mjög lítið gagnamagn, að meðaltali 5kb á hverja færslu.
Það er í raun ekkert aldurstakmark.
Einstaklingar undir 18 ára aldri þurfa að fá forráðamann til að samþykkja notkunina.

Líklega hefur þú ekki skráðan aðgang. Þú getur sótt Auðkennisappið í App Store eða Google Play og skráð þig með rafrænum skilríkjum eða farið á skráningastöð.
Skráningastöðvar eru í öllum bankaútibúum.

Ef þú hefur þegar náð í appið og klárað skráningu þá hefur eitthvað farið úrskeiðis og þú þarft að skrá nýjan aðgang. 

Nei, ekki endilega. Ef appið hefur réttindi til að birta tilkynningar á skjánum þá kemur upp tilkynning efst á skjáinn sem þarf að smella á og þá opnast appið. Ef verið er að nota appið í innskráningu og ekkert kemur upp á skjáinn gæti borgað sig að opna appið handvirkt.

Já, ef þú ert í sambandi við Internetið, 3G, 4G eða WiFi þá getur þú notað Auðkennisappið hvar sem er í heiminum.

Byrjaðu á að fullvissa þig um að síminn sé örugglega í netsambandi. Ef sending í símann hefur ekki tekist skaltu opna appið og kanna hvort einhverjar beiðnir séu í gangi.

Ef beiðnin kemst í gegn biður appið þig um að slá inn PIN, ef það er læst lætur appið þig vita af því.

Ef þú opnar appið og ýtir hvar sem er á skjáinn birtast skilaboð sem segja "Færsla finnst ekki". Það er vegna þess að þegar þú opnar appið þá athugar það hvort þú sért í miðju auðkenningar- eða undirskriftarferli. Það er að athuga hvort það sé þjónusta sem er að bíða eftir auðkenningu.

Ef það er auðkenning sem bíður - eins og ef þú ert að skrá þig inná island.is - mun appið birta staðfestingarnúmer og biðja þig um PIN1.

Ef þú opnar appið á meðan engin auðkenning bíður þín muntu sjá skilaboðin "Færsla finnst ekki". Þetta er hvorki viðvörun né merki um að eitthvað sé að. Appið er einungis að láta þig vita að engin þjónusta bíður auðkenningar.

Gildistími skilríkjanna er 5 ár. Ef þú vilt halda áfram að nota skilríki í appi þarf að eyða gömlu skilríkjunum og búa til ný. Það er gert með því að opna appið, fara í valmynd, velja "Eyða aðgangi" og búa svo til ný.

Afgreiðslustaðir fyrir rafræn skilríki eru hjá öllum bönkum og símfélögum landsins auk skrifstofu Auðkennis í Katrínartúni 4 á 1. hæð, afgreiðslutími er frá 10-16 virka daga. Þar er hægt að fá aðstoð við virkjun á skilríkjum í appi og hvernig hægt er að eyða þeim.

Ef þú endurstillir (factory reset) Android eða iOS tækið þitt, þá verður upplýsingum tengdum aðganginum þín eytt. Til að geta notað Auðkennisappið aftur þarftu að búa til annan aðgang.

Nei, þú þarft ekki mismunandi aðganga fyrir hvern banka. Hægt að eiga nota einn og sama aðganginn til að skrá sig inn á sinn netbanka hjá hvaða banka sem er.

Nei. Líkt og með vegabréf, ökuskírteini og nafnskírteini þá eru rafræn skilríki í Auðkennisappi einungis gefin út á þá manneskju sem þeim er ætlað. 

Appið og notkun þess að gjaldfrjáls. Það kostar ekki neitt.

Auðkennisappið er hægt að hafa á fleiri tækjum en símanum, t.d. í spjaldtölvu. Auðkennisappið er heldur ekki tengt símanúmeri og geta því einstaklingar með erlend símanúmer nýtt sér appið til auðkenningar og undirskriftar, tækið þarf bara að vera nettengt.

Já. Sami aðgangurinn virkar bæði fyrir persónulega og fyrirtækjareikninga í banka svo lengi sem búið er að skrá það hjá bankanum að þú hafir aðgang að fyrirtækjareikningum.